दही किन खाने?
दही दूधलाई जमाएर बनाइने डेरी उत्पादन हो। यसले प्रोटिन र क्याल्सियम प्रदान गर्दछ, र यसले स्वस्थ प्रोबायोटिक पेट ब्याक्टेरिया बढाउन सक्छ।
यसका स्वास्थ्य लाभहरू ओस्टियोपोरोसिस बाट जोगाउन लिएर चिडचिडा आन्द्रा रोगबाट छुटकारा पाउन र पाचनलाई सहयोग पुर्याउने सम्मका छन्, तर यो दहीको प्रकारमा निर्भर गर्दछ।चिनी थपेर प्रशोधन गरेर बनाइने केही दही उत्पादन अस्वस्थ हुन सक्छन्।
दहीका केहि तथ्यहरू
दही दूधलाई जमाएर बनाइन्छ बनाइन्छ।
हड्डिको स्वास्थ्यलाई बढावा दिन र पाचनलाई मद्दत गर्छ।
केही दहीमा प्रोबायोटिक्स भनिने सक्रिय, जीवित ब्याक्टेरिया हुन्छ, जसले आन्द्रालाई स्वस्थ राख्न मद्दत गर्छ।
दहीमा क्याल्सियम, भिटामिन बी ६ र बी १२, रिबोफ्लेभिन, पोटासियम र म्याग्नेसियम पाइन्छ। यसको मात्रा दहीको प्रकार मा निर्भर हुन्छ।
दही खानु कहिले राम्रो?
दही स्वस्थकर छ वा छैन त्यो खाने व्यक्ति र दहीको प्रकारमा भर पर्छ।
दहीमा प्रोटिन, क्याल्सियम, भिटामिन र प्रोबायोटिक्स पाइन्छ, जसले पेटको माइक्रोबायोटा बढाउन सक्छ।
यसले हड्डी र दाँतको सुरक्षा प्रदान गर्न सक्छ र पाचन समस्याहरू रोक्न मद्दत गर्दछ।
कम बोसो भएको दही तौल घटाउने आहारमा प्रोटिनको उपयोगी स्रोत हुन सक्छ।
प्रोबायोटिक्सले प्रतिरक्षा प्रणाली बढाउन सक्छ।
केहीले दहिले मस्तिष्कको कार्यलाई असर गर्न सक्ने दाबि गर्छन , यद्यपि यी दाबीहरू पुष्टि गर्न थप अनुसन्धान आवश्यक छ।
२०१४ मा, अनुसन्धानकर्ताहरूले विश्वसनीय स्रोत फेला पारे कि दही उपभोग गर्नाले टाइप २ मधुमेहबाट बचाउन मद्दत गर्न सक्छ।
जब मानिसहरूलाई आफ्नो खाना चपाउन गाह्रो हुन्छ। यो एक पौष्टिक विकल्प हो।
दही खानु कहिले खराब हुन्छ?
सबै दही स्वस्थकर हुँदैनन्। चिनी थपिएर र अन्य सामग्रीहरू उच्च मात्रामा प्रयोग गरेर बनाइएको दही फाइदाजनक नहुन सक्छ।
प्राकृतिक दही कम क्यालोरी, प्रोटिनले भरिएको उच्च पोषणयुक्त खाना हुन सक्छ।
यद्यपि, धेरैले चिनी, कृत्रिम मिठाईहरू, र अन्य सामग्रीहरू थप्छन् जुन स्वस्थ छैनन्।
सबै दहीहरूमा केही प्राकृतिक चिनीहरू हुन्छन्, तर उपभोक्ताहरूलाई १५ ग्राम भन्दा कम चिनी भएको उत्पादन खोज्न सल्लाह दिइन्छ। चिनी जति कम हुन्छ, त्यति राम्रो हुन्छ, जबसम्म यसमा कुनै कृत्रिम मिठाई हुँदैन।
फाइदाहरू
प्रोबायोटिक्स
एक प्रकारको स्वस्थ ब्याक्टेरिया हो जसले पेटलाई फाइदा पुर्याउँछ। तिनीहरूले पाचन प्रणालीलाई विनियमित गर्न र ग्याँस, पखाला, कब्जियत र ब्लोटिंग कम गर्न मद्दत गर्दछ।
केही अनुसन्धानले सुझाव दिएको छ प्रोबायोटिक्सले प्रतिरक्षा प्रणालीलाई बढावा दिन सक्छ, तौल व्यवस्थापनमा मद्दत गर्दछ, र क्यान्सरको जोखिम कम गर्दछ।
दही र अन्य प्रोबायोटिक खानेकुराको सेवनले भिटामिन र खनिजको अव शोषण बढाउन सक्छ।
दूधलाई दहीमा जमाउने दुईवटा सामान्य ब्याक्टेरिया हरू ल्याक्टोबैसिलस बुल्गारिकस ९एल। बुल्गेरिकस० र स्ट्रेप्टोकोकस थर्मोफाइल्स ९एस थर्मोफाइल्स० हुन्, तर धेरै दहीहरूमा अतिरिक्त ब्याक्टेरिया स्ट्रेनहरू हुन्छन्।
टोरन्टो विश्वविद्यालयको हालैको अध्ययनले विभिन्न प्रोबायोटिक्सले फरक(फरक प्रभाव पार्छ र प्रोबायोटिक्स युक्त दहीहरू अरूको तुलनामा स्वस्थ हुनसक्छन् भनी बताउँछ।
क्याल्सियम
डेरी उत्पादनहरू क्याल्सीयमको उत्तम आहार स्रोतहरू मध्ये एक हो।
क्याल्सियम स्वस्थ हड्डी र दाँत को विकासको लागी आवश्यक छ। यो रगत जम्ने, घाउ निको पार्न र सामान्य रक्तचाप कायम राख्नको लागि पनि महत्त्वपूर्ण छ।
क्याल्सियम युक्त खानाहरू भिटामिन डिको स्रोतसँग जोड्दा राम्रो हुन्छ, किनकि भिटामिन डिले सानो आन्द्रालाई क्याल्सियम अव शोषित गर्न मद्दत गर्दछ।
धेरैजसो दहीमा भिटामिन बी ६ र बी १२, पोटासियम र म्याग्नेसियम पनि फरक मात्रामा पाइन्छ।
ल्याक्टोज असहिष्णुता
दहीमा कम ल्याक्टोज सामग्री हुन्छ, त्यसैले ल्याक्टोज असहिष्णुता भएका व्यक्तिले यसलाई दूध भन्दा बढी सहन शील पाउन सक्छ। यसमा पाचनमा सहयोग गर्ने ब्याक्टेरिया पनि हुन्छ ।
व्यक्तिले आफ्नो शरीरले कस्तो प्रतिक्रिया देखाउँछ भनेर हेर्नको लागि एक चौथाई कप दहीको सानो मात्रा प्रयोग गर्नुपर्छ। यो केवल ल्याक्टोज असहिष्णुतामा लागू हुन्छ, दूध एलर्जी भएकाहरूलाई होइन।
ल्याक्टोज असहिष्णुता भएका व्यक्तिहरूमा प्राय क्याल्सीयमको कमी हुन्छ, त्यसैले दही उनीहरूको आहारको महत्त्वपूर्ण भाग हुन सक्छ।
दूधको एलर्जी भएको व्यक्तिले दही खाँदा फाइदा हुँदैन।
