महिनावारीको समयमा यूटीआईको समस्या भए के गर्ने ? 

काठमाडौं । महिनावारीको समयमा महिलाले धेरै समस्याको सामना गर्नुपर्ने हुन्छ । यस्तो अवस्थामा महिलाको शरीरमा धेरै परिवर्तन हुन्छन्, जसले उनको सम्पूर्ण शरीरलाई असर गर्छ।

यो अवधिमा महिलाहरूले पेट दुख्ने देखि मुड स्विङसम्मका धेरै समस्याहरूको सामना गर्नुपर्ने हुन्छ। धेरै महिलालाई महिनावारीको समयमा यूटीआईको समस्या पनि हुन्छ । तर महिनावारीको समयमा यूटीआईको समस्या किन हुन्छ ? साथै, यो समस्याबाट कसरी छिटो राहत पाउन सकिन्छ? यसबारे केहि उपाय बुझौं । 

महिनावारीको बेला यूटीआई किन हुन्छ ?

यूटीआई अर्थात महिनावारीको समयमा पिसाब नलीमा संक्रमण हुनुका धेरै कारण हुन सक्छन्। यस अवधिमा हर्मोनहरूमा परिवर्तनहरू हुन्छन्, जसले मूत्र प्रणालीको पीएच स्तर परिवर्तन गर्न सक्छ। यसबाहेक लामो समयसम्म महिनावारीका उत्पादनहरू परिवर्तन नगर्दा र महिनावारीको समयमा यौनसम्पर्क गर्दा पनि यूटीआई हुने खतरा हुन्छ।

महिनावारीको बेला यूटीआईको समस्याबाट कसरी राहत पाउने

आफूलाई हाइड्रेटेड राख्ने

महिनावारीको समयमा आफूलाई हाइड्रेटेड राख्नु सबैभन्दा महत्त्वपूर्ण छ। धेरै पानी पिउनाले पिसाब धेरै जान्छ। यसले गर्दा पिसाबको माध्यमबाट ब्याक्टेरिया पिसाब नलीबाट बाहिर निस्कन्छ, जसले संक्रमणलाई कम गर्छ।

स्वच्छता कायम राख्न

यूटीआईको समयमा योनि स्वच्छता को विशेष ख्याल गर्न आवश्यक छ। यस अवधिमा सरसफाइमा ध्यान नदिने हो भने सङ्क्रमण बढ्ने खतरा हुन्छ । यस अवधिमा समयमै प्याड फेर्ने, पिसाब गरेपछि योनी सफा गर्ने र आरामदायक कपडा लगाउने जस्ता कुराहरूमा विशेष ध्यान दिनुपर्छ।

खानपानमा ध्यान दिने

महिनावारीको समयमा यूटीआई छ भने आफ्नो आहारको ख्याल गर्न बिर्सनु हुँदैन। यस अवधिमा धेरै मसलादार र भुटेको खानेकुरा खानुहुँदैन । अन्यथा यसले थप समस्या निम्त्याउन सक्छ।

हीट थेरेपीले राहत प्रदान गर्नेछ

यदि पिसाबको संक्रमणको अवस्थामा हीट थेरापी लिए  दुखाइ र जलनबाट छिट्टै आराम पाउन सकिन्छ । तातो कम्प्रेसले सुजन र जलन कम गर्छ र संक्रमणबाट पनि राहत दिन्छ।

पिसाब नरोक्ने 

यूटीआईको समयमा जति धेरै हाइड्रेटेड भयो त्यति नै चाँडो संक्रमण कम हुनेछ। तर यदि लामो समयसम्म पिसाब रोकिराखे संक्रमण हुने सम्भावना बढी हुन्छ।

महिनावारीको समयमा यूटीआई हुनु धेरै आन्तरिक समस्याहरूको कारण पनि हुन सक्छ, त्यसैले यस्तो अवस्थामा डाक्टरसँग परामर्श लिनुपर्छ । सही औषधि र उपचारद्वारा यो समस्याबाट छिट्टै राहत पाउन सकिन्छ।