![post-slider](/assets/imgs/ads/Star-Hospital-Neutralizing-AntibodyTest_1270px-X-111px_GIF1.gif)
![post-slider](/assets/imgs/ads/GIF-Format.gif)
लगातार खोकी लाग्नु घाँटीको क्यान्सरको लक्षण हुन सक्छ
![Image](/thumbnails/22e5d4d0-51f4-4e5f-8b5c-d2a56ccd393b_Throat-Cancer-Symptoms-ins2.jpg)
काठमाडौं । जाडोमा रुघाखोकी, ज्वरो, फ्लु जस्ता रोग लाग्ने गर्दछ । ज्वरो र फ्लू अझै १(२ दिनमा निको हुन्छ, तर खोकी लामो समयसम्म रहन्छ। तर, कहिलेकाहीँ १० देखि १५ दिनसम्म खोकी र घाँटी दुखाइ रहन्छ।
घाँटी क्यान्सरको लक्षण
२ देखि ३ हप्तासम्म खोकी लागेमा बेवास्ता गर्नु हुँदैन । यो घाँटीको क्यान्सरको लक्षण हुन सक्छ। यसबाहेक घाँटीको क्यान्सर भएमा निम्न लक्षणहरू देखिन सक्छन्ः
घाँटी सुख्खा हुनेः चिकित्सकका अनुसार जाडोमा लगातार घाँटी सुख्खा रहन्छ वा घाँटी सुख्खा हुने समस्या कायम रह्यो भने त्यसलाई बेवास्ता गर्नु हुँदैन । यो घाँटीको क्यान्सरको लक्षण हुन सक्छ। यस्तो अवस्थामा तुरुन्तै चिकित्सकलाई सम्पर्क गर्नुपर्छ ।
खाना निल्न गाह्रो हुनेः खाना निल्न गाह्रो हुने वा कुनै तरल पदार्थ निल्न गाह्रो हुने व्यक्तिलाई घाँटीमा ट्युमर भएको लक्षण हुन सक्छ ।
लगातार खोकी लाग्नुः सामान्यतया मानिसहरु खोकीलाई हल्का रुपमा लिने गर्छन् तर श्वासप्रश्वासमा समस्या नभएको र खोकी लागिरह्यो भने यो घाँटीको क्यान्सरको लक्षण हुन सक्छ ।
कान दुख्नेः कुनै व्यक्तिको एक वा दुवै कानमा बिना कारण लगातार दुखाइ रहन्छ। कान दुखाइसँगै घाँटी दुख्ने समस्या भएका यो पनि घाँटीको क्यान्सरको लक्षण हो ।
घाँटीको क्यान्सरबाट कसरी बच्ने ?
कुनै व्यक्तिमा माथि उल्लेखित लक्षण देखिएमा तुरुन्तै चिकित्सकसँग सम्पर्क गर्नुपर्छ । जतिसक्दो चाँडो चिकित्सकलाई देखाएर घाँटीमा भएको ट्युमरको अवस्था थाहा पाउन र समयमै उपचार सुरु गर्न सकिने विज्ञहरू बताउँछन् । विज्ञहरूका अनुसार धुम्रपान र मद्यपान गर्ने व्यक्तिमा घाँटीको क्यान्सर हुने सम्भावना बढी हुन्छ । त्यस्ता व्यक्तिहरूले नियमित रूपमा आफ्नो जाँच गराउनुपर्छ।