'आफैँले खान पाएकी छैन, चम्ल्याहा बच्चालाई कसरी स्तनपान गराऊँ?
गाजामा आफ्नो घरबाट विस्थापित एक महिलाले केही समयअघि एउटा अस्पतालमा चार शिशुलाई जन्म दिइन्। अस्पतालसम्म पुग्ने गाडी खोज्न उनले पाँच किलोमिटर हिँड्नुपरेको थियो।
ती महिलाको परिवारमा नवजात शिशुसहित नौ जना छन्। उक्त परिवारले अहिले गाजा स्थित एक विद्यालयको एउटा कक्षाकोठामा आश्रय लिएको छ।
ती सुत्केरी महिलाले आफूले पोषणयुक्त खानेकुरा नपाएको र आफूसँग बच्चाहरूलाई दिने धुलो दूध पनि नभएको बताएकी छन्।
इमान अल मिस्नाले दक्षिण गाजा स्थित एक अस्पतालमा जम्ल्याहा बच्चा जन्माएकी हुन् ।
उनी उत्तरी गाजाबाट दक्षिणतिर आएकी हुन् ।
नौ जनाको यो परिवार अहिले हातमुख जोड्नका लागी संघर्ष गरिरहेको छ ।
डाइपर र वैकल्पिक दुध नहुँदा उनी शिशुहरूलाई स्तनपान गराउन खोज्छिन् । उनले तीन बच्चालाई पुग्ने दुध आउने पोषक खानेकुरा खान पाएकी छैनन् । तर उनले एउटा बच्चालाई अस्पतालमा नै छोड्नुपर्यो । त्यो शिशुको तौल १ कजी मात्र थियो । इमान उँ बाँचोस् भनेर प्रार्थना गर्छिन् ।
उनीसँग डाइपर छदैं छैन । प्राय दुई घण्टामा फेर्नुपर्थ्यो, तर त्यसो गर्न नसकिएको उनी बताउँछिन् । त्यसैले उनी विहान, दिउँसो र साँझ गरि तीन पटक मात्र डाइपर फेरिदिन्छिन् ।
उनले आश्रय लिइरहेको विद्यालय नजिक बारम्बार हवाई आक्रमण भइरहन्छ । उनलार्ई घर नजिकै बम खस्यो कि भन्ने डर लाग्छ । त्यसैले उनी ढोका नजिकै बच्चा राख्न डराउँछिन् । ढोकाबाट भित्र आउने हावाका कारण उनलाई त्यहाँ राख्दा पनि चिन्ता लाग्छ । त्यसैले उनी बच्चालाई कुनामा राख्छिन् । एक पटक त बम नजिकै खस्यो । उनका श्रीमान नजिकै सुतेका थिए । उनलाई उठाएर उनी बच्चाहरुलाई जोगाउन गए ।
हावाका चापका कारण झ्यालको सिसा हल्लिरहेको थियो । अनि उनीहरुलाई सिसा फुटेर बच्चाहरूमाथि खसला भन्ने डर लागेको थियो ।
इमानका पति पर्याप्त खानेकुरा र पानी नभएकाले आफु लाचार भएको बताउँछन् ।
बच्चाहरुलाई पुराउन उनले खाना खान छोडे । उनी बिहान पाँच बजे बाहिर जान्छन् । त्यसैले उनलाई देख्नुपर्दैन । उनले बच्चाहरु बोके यो दोस्रो पटक हो ।
इजरेली सैनिकहरू शरणार्थी शिविर भएको ठाउँतिर अघि बढ्दै गर्दा मध्यगाजाबाट झन्डै डेढ लाख मानिस विस्थापित भएको संयुक्त राष्ट्र सङ्घले जनाएको छ।
