पेटको समस्या भए भान्साका मसला हुनसक्छन् उपयोगी
काठमाडौं । आजकल, अनियमित खानपान, जीवनशैली, जंक फूड र क्याफिनको सेवनका कारण १० मध्ये ७ जनालाई पेटको समस्या छ । पेटको समस्या भएका व्यक्तिलाई बिहान दिसा गर्न समस्या हुने र, राति सुत्दा पेट दुख्ने समस्या हुन्छ ।
पेटको समस्याले राति उठ्ने मात्र होइन, दिनभरि बेचैनी पनि गराउँछ। यस्ता समस्याबाट बच्न मानिसहरु धेरै प्रकारका औषधिको सहारा लिन्छन् । औषधिले समस्याबाट तुरुन्तै राहत दिन्छ, तर लामो समयसम्म धेरै रोगहरू निम्त्याउन सक्छ।
पेट दुख्ने, ग्यास र एसिडिटीजस्ता पाचन सम्बन्धी समस्याबाट हैरान भए औषधिको सट्टा भान्साको मसलाको सेवन गर्नुपर्छ । भान्सामा पाइने मसलाले पाचन सम्बन्धी समस्याबाट मात्र राहत प्रदान गर्दैन स्वास्थ्यलाई पनि स्वस्थ राख्छ। पेटका विभिन्न समस्याका लागि कुन मसला प्रयोग गर्न सकिन्छ जानौँ ।
भान्सामा पाइने यी मसलाहरू पेट समस्याहरूको लागि रामबाण हुन्
एसिडिटी
एसिडिटीको समस्या भएका व्यक्तिले खाना खाइसकेपछि सौंफ र चिनी चपाएर खाने गर्नुपर्छ । सौंफ र चिनीको सेवनले पाचन प्रणालीलाई बलियो बनाउँछ। सौंफमा भिटामिन र फाइबर पाइन्छ, जसले पाचन सुधार गर्छ।
एसिडिटीबाट छुटकारा पाउनको लागि खाना खाएपछि सौंफ चिया पनि पिउन सकिन्छ । सौंफ चियाले मेटाबोलिजम बढाउँछ। सौंफमा पाइने फाइबरले पाचन प्रक्रियालाई बलियो बनाउन र दिसालाई नरम बनाउन मद्दत गर्छ।
डकार, ग्यास र पेट फुल्ने
विज्ञहरूका अनुसार ग्यास, पेट फुल्ने र डकार लाग्ने समस्या भएका व्यक्तिले खानामा जीरा, अजवाइन, हींग, लसुन र नुनको प्रयोग गर्नुपर्छ । यी सबै भान्सा मसलामा फाइबर हुन्छ, जसले पाचन सुधार गर्न मद्दत गर्छ।
ग्यास र पेट फुल्ने जस्ता समस्याबाट पीडित व्यक्तिहरूले खाना खाएपछि अजवाइन र जीराको हर्बल चिया पनि पिउन सक्छन्। यो चियाले दिसालाई नरम बनाउँछ, जसले बिहान पेट राम्रोसँग सफा गर्न मद्दत गर्छ । ग्यास र पेट फुल्ने जस्ता रोगबाट राहत मिल्छ।
कब्जियत
कब्जियतको समस्या भएका व्यक्तिले कालो किसमिस खानुपर्छ । कब्जियतबाट छुटकारा पाउन कालो किसमिसलाई १/२ गिलास पानीमा रातभर भिजाएर बिहान खाली पेटमा खानुपर्छ ।
