मनतातो पानी पिउँदा शरीरलाई के फाइदा हुन्छ ?
काठमाडौं । जाडो मौसममा धेरैजसो मानिस मनतातो पानी पिउन रुचाउँछन् । मनतातो पानी शरीरका लागि साँच्चै फाइदाजनक हुन्छ । यसले शरीरलाई स्फूर्ति दिने मात्र होइन शरीरलाई रोगबाट पनि मुक्त बनाउँछ।
मौसमी संक्रमणबाट बचाउन
चिसो, खोकी र नाकबाट बग्ने समस्याबाट बच्न मानिसहरु जाडो मौसममा आफ्नो दिनचर्यामा मनतातो पानी मिसाउने गर्छन् । यसो गर्दा घाँटीको इन्फेक्सन र नाक बन्द हुने समस्याबाट बच्न सकिन्छ । खाली पेटमा कागतीको रस मिसाएर मनतातो पानी पिउँदा शरीरमा भिटामिन सी र पोटासियमको मात्रा कायम रहन्छ र रोग प्रतिरोधात्मक क्षमता बलियो हुन्छ ।
तौल घटाउन सहयोगी
शरीरमा जम्मा भएको अतिरिक्त क्यालोरीलाई बर्न गर्न बिहान उठेपछि मनतातो पानी पिउनुपर्छ । यसले मेटाबोलिज्मलाई बलियो बनाउँछ र शरीरमा जम्मा भएको अतिरिक्त बोसो जल्न थाल्छ। शरीरलाई स्वस्थ राख्न र मल त्याग नियमित राख्न खाली पेटमा मनतातो पानी पिउनुपर्छ ।
रक्तसञ्चार नियमित गर्ने
दैनिक मनतातो पानी पिउनाले शरीरमा रगतको प्रवाह नियमित रहन्छ । जसले शरीरलाई उच्च रक्तचाप र मुटुसम्बन्धी रोगबाट बचाउन मद्दत गर्छ । बेलुकाको खाना खाएपछि केही बेर मनतातो पानी पिउनुपर्छ । यसले रक्तसञ्चार बढाउँछ। यसका साथै मनतातो पानीले नुहाउँदा पनि शरीरको थकान हटाउन सहयोगी हुन्छ ।
आफ्नो शरीर डिटोक्स
मनतातो पानी पिउनाले शरीरमा जम्मा भएका विषाक्त पदार्थलाई बाहिर निकाल्न मद्दत गर्छ र शरीरको प्रतिरक्षा प्रणाली स्वस्थ रहन्छ । शरीरलाई डिटोक्सिफाई गरेर अतिरिक्त क्यालोरी जम्मा हुने समस्याबाट पनि बच्न सकिन्छ । मनतातो पानीमा पुदिनाको पात, मह र कागतीको रस मिसाउनुपर्छ। यसले पेटको स्वास्थ्यलाई पनि बलियो बनाउँछ।
छाला र कपाललाई फाइदा हुन्छ
नियमित रूपमा मनतातो पानी पिउनाले शरीरलाई डिहाइड्रेसनबाट बचाउँछ। यसले छालामा नमी कायम राख्छ, जसले छालालाई चम्किलो राख्छ। यसका साथै छाला बढ्दो उमेरको असरबाट पनि मुक्त रहन्छ । यस बाहेक मनतातो पानी पिउनाले रक्तसञ्चार नियमित गर्न मद्दत गर्छ, जसले कपाल झर्ने समस्याबाट पनि बच्न सकिन्छ ।
पाचन क्रियामा सुधार
मनतातो पानी पिउनाले एसिड रिफ्लक्स, अपच र कब्जियत जस्ता पेटसम्बन्धी समस्याबाट राहत मिल्छ। यसले छातीमा एसिडिटीका कारण हुने जलनबाट पनि राहत दिन्छ। मनतातो पानीले खाना पचाउन मद्दत गर्छ । मनतातो पानीमा उमालेको अजवाइन र जीरा मिसाएर पिउनु पनि पेटका लागि फाइदाजनक हुन्छ ।
तनाव स्तर कम गर्न
दिन प्रतिदिन बढ्दै गएको तनाव कम गर्न मनतातो पानी पिउनुपर्छ । यसबाट केन्द्रीय स्नायु प्रणालीलाई ठीक बनाउन सकिन्छ, जसका कारण शरीर फ्री रेडिकलको प्रभावबाट मुक्त रहन्छ। जसले गर्दा तनावलाई सजिलै कम गर्न सकिन्छ । यसो गर्दा शरीरमा हाइड्रेटेड रहन्छ, जसले शरीरमा शान्ति ल्याउँछ।
